Священный Синод Русской Православной Церкви на заседании, состоявшемся 27 декабря 2016 года, утвердил молитвенное последование с покаянным каноном о грехе убийства чад во утробе (аборте) (журнал №128), сообщает Патриархия ру.
Текст последования направлен в Издательство Московской Патриархии для включения в молитвословы.
Молитва
Господи, Иисусе Христе, Сыне Божий, Источниче жизни и безсмертия, пришедый в мир грешныя спасти! Призри на нас, недостойных рабов Твоих, выю сердца и телесе пред величеством славы Твоея приклоняющих, согрешихом бо, беззаконновахом, неправдовахом пред Тобою, но, на щедроты Твоя и милость Твою уповающе, со слезами молим: благоутробне и всемилостиве Господи, прости и помилуй нас, любовь Твою отвергших, закон евангельский поправших, страстьми ум свой ослепивших, чад своих в безумии убивших, иных к сему смертному греху подвигших или преступному их намерению не возбранивших.
Вемы, Господи, яко достойны есмы огня геенскаго и вечныя муки, но имамы и человеколюбия Твоего образы: разбойника, мытаря, блудницу, блуднаго сына, иже покаянием отверзение дверей Царствия Небеснаго и помилование улучивших. Темже ко множеству щедрот Твоих взываем: приими искреннее раскаяние наше и сердце, оскверненное безмерными грехами, человеколюбне очисти.
Призри, всесильне Господи, на люди Твоя, вразуми братий и сестер наших, творящих беззакония; возсияй истиною Твоею в сердцах заблудших и во тьме пребывающих, загради уста нечестивая и лукавая, детоубийство проповедующая; просвети разум матерей, чад своих во чреве своем умерщвляющих; удержи руку врача-детоубийцы всесильною десницею Твоею; пресеки творимое кровавое беззаконие.
О, многомилостиве и долготерпеливе Господи! Молитвами Пречистыя Твоея Матере, Владычицы нашея Богородицы и Приснодевы Марии и всех святых, наипаче ходатайством святых мучеников младенцев, в Вифлееме от Ирода убиенных, даруй нам время на покаяние, яко да, по заповедем Твоим поживше, настоящих зол и будущих вечных мук свободимся и со благою надеждою и истинным уверением к тамошнему миру пойдем, прославляюще Безначальнаго Твоего Отца, с Нимже благословен еси, со Пресвятым и Благим и Животворящим Твоим Духом, ныне и присно и во веки веков. Аминь.
Полный текст канона с молитвой можно скачать с сайта Патриархии.
Православие.ru