Владимирская (Селигерская) икона Божией Матери

История иконы Божией Матери Владимирской-Селигерской берёт своё начало в первой половине 15-го века. В епархии Тверской губернии, была прославленная Нилова пустынь, расположенная рядом с озером Селигер или второе название озера – Столобенское, названное в честь основателя этой пустыни Божьего угодника преподобного Нила Столобенского. По преданию именно он принёс в обитель икону Владимирской Божией Матери, получившей впоследствии название иконы Божией Матери Селигерской. Преподобный Нил Столобенский перед ней и творил свою горячую молитву во славу Божию.

Это подтверждает история, приключившаяся прямо перед Селигерской иконой.

В келью святого ворвались злодеи, требуя драгоценности. Преподобный Нил, указав им на икону Владимирскую сказал, что это и есть его главная драгоценность. Разбойники попытались забрать образ, но неожиданно их поразила слепота. Опешив от такой неожиданности, разбойники стали слёзно умолять преподобного Нила о прощении совершённого ими покушения на святыню. И покаявшись в своём разбое, по молитвам святого Нила тут же получили исцеление и прозрели.

Содержание
Значение иконы Владимирской (Селигерской) Божией МатериВ чём помогает Селигерская икона Божией МатериМолитва Владимирской иконе Божией МатериАкафист  иконеКондак 1Икос 1Кондак 2Икос 2Кондак 3Икос 3Кондак 4Икос 4Кондак 5Кондак 6Икос 6Кондак 7Икос 7Кондак 8Икос 8Кондак 9Икос 9Кондак 10Икос 10Кондак 11Икос 11Кондак 12Икос 12Кондак 13

Значение иконы Владимирской (Селигерской) Божией Матери

Это событие имело судьбоносное значение для разбойников. Преподобный Нил стал их просвещать и наставлять на христианский истинный путь, просил оставить свои греховные дела и начать честно зарабатывать на пропитание. Разбойники, испытав силу Божественной милости в своих сердцах —  оставили занятия разбоем. Преподобный Нил просил их не рассказывать до поры, до времени об их встрече и произошедшем чуде перед Владимирской Селигерской иконой. О ней стало известно уже после кончины преподобного Нила.

Владимирская икона Божией Матери была свидетельницей знаковых событий для всей Церкви. Перед ней избирались Патриархи Московския и всея Руси. Получали исцеление безнадёжные болящие, совершались чудесные события.

Божия Матерь проявляла свою волю через перемещение иконы без чьей-либо помощи. В городе Вышгород три раза икону находили в разных частях храма. Во Владимире на людей упали огромные ворота. Стали возносить молитву перед иконой Богородицы, и никто из людей не пострадал.

Омывая икону водой, вода приобретала целебную силу. Чудотворные свойства Владимирской иконы Богородицы передавались и спискам с этой иконы. Такими свойствами обладает и икона Селегерская, намоленная молитвами преподобного Нила Столобенского.

Не один раз молитва Селигерской иконе Божией Матери защищала от нападений врагов и войн.

В чём помогает Селигерская икона Божией Матери

Молебны с прочтением акафиста Селигерской Владимирской иконе Божией Матери не давали разгораться военным конфликтам не только с внешними врагами, но и внутри государства, тем самым спасая Русь от раскола и смут.

Помогает икона Богородицы Владимирской Селигерской в  принятии важных решений, укреплении духа.

От чего поможет икона Селигерской Божией Матери обычным мирянам:

если жизнь зашла в тупик, и вы не видите выхода из сложившейся ситуации;
придаст сил и уверенности в жизненных трудностях;
можно просить исцеления от сердечных и глазных заболеваний, прося не только о физическом выздоровлении, а прежде о духовном прозрении;

Селигерская икона Божией Матери наставляет и помогает в исправлении духовного пути, очистит от ненужных помыслов, а в семейной жизни будет помощницей в создании христианской семьи и хранительницей семейного покоя.

Чтобы молитва была услышана Пресвятой Богородицей, слова молитвы нужно произносить не только мысленно, а постараться пропускать их через собственное сердце. Такие молитвенные просьбы наша небесная Заступница слышит и обязательно исполняет по вере нашей.

Дни памяти в честь иконы Владимирской (Селигерской) Божией Матери установлены Церковью 26 мая и 7 декабря.

Молитва Владимирской иконе Божией Матери

О Пречистая Владычице Богородице, Царице Небесе и земли, вышшая Ангел и Архангел и всея твари честнейшая, миру Благая Помощнице, всех христиан поможение и утверждение и всем во всяких ну́ждах избавление! Призри ныне, о Всемилостивая Госпоже, на рабы Твоя, умиленною душею и сокрушенным сердцем Тебе молящияся, со слезами к Тебе припа́дающия и пречистому и цельбоносному образу Твоему покланяющияся, Твоея же помощи и заступления в скорбех и напа́стех своих просящия. Буди за нас Ходатаица к Сыну Твоему, Христу Богу нашему: мы бо, грешнии, не имамы иныя Помощницы разве Тебе, Владычице. Ты еси наша надежда и упование, Ты еси Заступница и Предстательница наша, Ты обидимым защищение, печальным утешение, скорбящим ра́дование, си́рым прибежище, вдовам Хранительница, девам слава, слезящим веселие, больным посещение, немощны́м исцеление, грешным спасение. Сего ради, о Богомати, к Тебе прибегаем и, на Твой святый образ взирающе, с любовию покланяемся Тебе с Предвечным на руку Твоею держимым Младенцем, Господем нашим Иисусом Христом, и молебное пение приносим, вопиюще: помилуй ны, Мати Божия, и прошения наша исполни во благо, вся бо возможна суть хода́тайству Твоему к Сыну Твоему и Богу нашему, Емуже подобает всякая слава, честь и поклонение, со Безнача́льным Его Отцем и со Присносу́щным Его Духом, ныне и присно и во веки веков. Аминь.

Акафист  иконе

Кондак 1

Взбранной Воеводе, Заступнице нашей и Покровительнице, взира́юще на чудотворный образ Твой, похвальное пение воспису́ем Ти, раби Твои, Владычице; Ты же, яко исполненная благодати Божественныя, Сына Твоего о нас умоли́, да со умилением зовем Ти: Радуйся, Благодатная, радость духовную в сердца́ наша изливающая.

Икос 1

Ангельскими Силами на Небеси немо́лчно воспеваемая, Пречистая Дево, и нас, на земли́ живущих, не оставила еси милостию Твоею, вся потребная для спасения нашего низпосыла́ющи. Темже мы, вернии раби Твои, ко святому образу Твоему притекаем и, яко же Самей Ти, с нами сущей, вопие́м:

Радуйся, Ангелов Царице.

Радуйся, всего мира Владычице.

Радуйся, на Небеси присно сла́вимая.

Радуйся, и на земли́ величаемая.

Радуйся, благодать Твою иконам Твоим даровавшая.

Радуйся, всю вселенную лучами тех озаряющая.

Радуйся, Божия благости скорая Подательнице.

Радуйся, молений наших усердная Послушнице.

Радуйся, Благодатная, радость духовную в сердца́ наша изливающая.

Кондак 2

Видящи, Всемилостивая Владычице, чудеса многая, чрез иконы Твоя святыя нам присноявля́емыя, с радостию несказа́нною припадаем к Тебе, Пречистая, и из глубины души́ благодарим Тя, нашу дивную Заступницу, воспевающе Богу: Аллилуиа.

Икос 2

Разум человеческий не может постигнути великаго Твоего милосердия, Преблагая Мати, Ты бо еси необоримая ограда, охраняющая нас от всяких болезней душевных и телесных и заступающая всех притекающих к Тебе с верою. Сего ради, дивное заступление Твое о нас восхваляюще, радостно вопием Ти:

Радуйся, чудеса от икон Твоих источающая.

Радуйся, недуги наша скоро врачующая.

Радуйся, воздыхания наша не отвергающая.

Радуйся, недостойныя молитвы наша приемлющая.

Радуйся, матерния щедроты Твоя нам подающая.

Радуйся, иконами Твоими нам благодеющая.

Радуйся, во обстоя́нии сущим скорую помощь да́рующая.

Радуйся, отчаянным надежду возвращающая.

Радуйся, Благодатная, радость духовную в сердца́ наша изливающая.

Кондак 3

Силу благодати Божественныя да́руеши, Пресвятая Дево, всем с верою и любовию Сыну Твоему и Богу нашему служа́щим, вся бо мо́жеши матерним дерзновением у Него нам испроси́ти. Сего ради, благодарни суще Господеви за вся великия милости Его, Тобою нам щедро низпосылаемыя, вопием Ему: Аллилуиа.

Икос 3

Имущи Тя, Мати Божия, Премилосердную Ходатаицу за ны, пред возлюбленным Сыном Твоим о нас непрестанно молящуюся, пред святым образом Твоим умильно вопие́м:

Радуйся, гнев Божий, праведно на ны дви́жимый, утоляющая.

Радуйся, на милость к нам, грешным, Господа преклоняющая.

Радуйся, яко смиренным мольбам рабов Твоих вне́млеши.

Радуйся, яко утешение Твое нам подати поспешаеши.

Радуйся, яко иконою Твоею от всяких нас бед ограждаеши.

Радуйся, яко тою ко́зни вражия разрушаеши.

Радуйся, в час скорби люди Твоя укрепляющая.

Радуйся, тихое и безмятежное житие тем да́рующая.

Радуйся, Благодатная, радость духовную в сердца́ наша изливающая.

Кондак 4

Бурею страстей в море житейском потопляемых спасаеши, Преблагословенная Дево, и победу на враги видимыя и невидимыя да́руеши с верою и любовию притекающим ко святей иконе Твоей, да уведят вси, яко Ты еси воистину всесильная христиан Помощница и с радостию воспоют о Тебе Богу: Аллилуиа.

Икос 4

Слышавше разбойницы, зла́та и сребра́ жаждущии, словеса святаго Нила: «Сокровище мое в углу келии пребывает», та́мо иска́ху его, не разумеюще, яко об образе Пречистыя глаголет преподобный; егда́же за дерзость свою зрения лиши́вшеся, тогда сле́зно во гресе́ своем покаяшеся и вку́пе с богоно́сным отце́м возопи́ша Преблагословенней:

Радуйся, обидящих всегрозная Устрашительнице.

Радуйся, обидимых всеблагая Заступнице.

Радуйся, яко заблуждшия на путь правый возвращаеши.

Радуйся, яко от соблазнов су́етных нас ограждаеши.

Радуйся, неразумных премудро вразумляющая.

Радуйся, па́губы вседушевныя низлагающая.

Радуйся, к Царствию Небесному путь невозбранный нам указу́ющая.

Радуйся, мир вечный и радость нам подающая.

Радуйся, Благодатная, радость духовную в сердца́ наша изливающая.

Кондак 5

Яко боготечная звезда явися икона Твоя, Пресвятая Дево, преподобным Нилом в пу́стынь на Селиге́рстем е́зере принесенная; сего ради притекающии к Тебе ки́йждо ну́жды своя и потребы пред нею приносят и, скорую помощь от Тебе прие́млюще, радостно вопию́т Сыну Твоему и Богу нашему: Аллилуиа.

Икос 5

Видяще Божественное сокровище – дивную икону Богоматере, пред не́юже усердно молящеся и, в неду́зех исцеление, в скорбех утешение, в напа́стех избавление приемлюще, радостно поем Заступнице нашей:

Радуйся, Мати милосердия.

Радуйся, источниче чудес.

Радуйся, бодрая наша Хранительнице.

Радуйся, обителей и́ноческих покрове.

Радуйся, горе́ к Небесным сокровищем ум наш возводящая.

Радуйся, любовь к Богу в сердцах верных насаждающая.

Радуйся, маловерныя вразумляющая.

Радуйся, неверных смы́слы просвещающая.

Радуйся, Благодатная, радость духовную в сердца́ наша изливающая.

Кондак 6

Проповедница неизреченных чудес Твоих, Владычице, яви́ся Нило-Столобенская Пустынь, святою иконою Твоею украшенная, всем бо приходящим в обитель сию и пред чудотворным образом Твоим молящимся милости и щедроты милостиво изливаеши, благодарственно поющим о Тебе Богу: Аллилуиа.

Икос 6

Возсия светом неизреченных чудес пречестная икона Твоя Селигерская, Пресвятая Дево, е́юже исцеления и помощь верным обильно подаеши. Сего ради, таковому промышлению о нас дивя́ся, во умилении зовем Ти:

Радуйся, Купино Неопалимая.

Радуйся, Цвете Неувядаемый.

Радуйся, сокровище неиждиваемое.

Радуйся, стено несокрушимая.

Радуйся, всем уповающим на Тя прибежище.

Радуйся, в скорбех и печалех утешение.

Радуйся, Ты бо еси наше защищение.

Радуйся, Ты бо еси всех благочестивых непрестанное ра́дование.

Радуйся, Благодатная, радость духовную в сердца́ наша изливающая.

Кондак 7

Хотя преподобный Нил спасение вечное улучи́ти, икону Твою, Владычице, в келии своей поста́ви, пред не́юже дни и но́щи со умилением моля́шеся, в помощь Тя призываше, яко верную Споручницу пред Сыном Твоим и Богом, Ему́же ныне со Ангелы воспевает: Аллилуиа.

Икос 7

Дивную Хода́таицу за род человеческий даровал еси нам, Господи, Пречистую Матерь Твою, Ея́же всемо́щным покровом невидимо покрываеми, от всяких бед и напа́стей избавляемся, вопию́ще такова́я:

Радуйся, мира го́рняго первейшее украшение.

Радуйся, мира до́льняго благонадежное заступление.

Радуйся, чистотою Твоею род человеческий возвеличившая.

Радуйся, всесвятым рождеством Твоим землю освятившая.

Радуйся, вождей и воинств христианских непобедимая Воеводо.

Радуйся, во бранех крепкая победо.

Радуйся, рабов Твоих нечаянная радосте.

Радуйся, врагов видимых и невидимых грозное посрамление.

Радуйся, Благодатная, радость духовную в сердца́ наша изливающая.

Кондак 8

Странствие наше земное, многоско́рбное и многомяте́жное услаждаеши нам, Владычице, и во дни лютых обстояний помощь Твою являеши нам во спасение; о сем у́бо радующеся и благодаряще Тя, вопие́м: Аллилуиа.

Икос 8

Весь мир христианский славит Тя, Преблагословенная Дево Богородице, и всем верным утешительно есть взирати на святую икону Твою, на не́йже зрим Тя, на руку́ Твоею держащую Богомладенца Христа, и, покланяющеся чудотворному образу Твоему, душею и сердцем радуяся, глаголем Ти:

Радуйся, земли нашея забра́ло.

Радуйся, Церкве утверждение.

Радуйся, молитвенников наших похвало́.

Радуйся, людей Твоих спасение.

Радуйся, враги наша устрашающая.

Радуйся, полки́ чужди́х дале́че отгоняющая.

Радуйся, яко Тобою гра́ды и ве́си содержатся.

Радуйся, яко Тобою род христианский хвалится.

Радуйся, Благодатная, радость духовную в сердца́ наша изливающая.

Кондак 9

Всякое естество ангельское восхваляет Тя, Богородительнице, у Престола Сына Твоего предстоящую и за вся христианы молящуюся. Мы же, недостойнии, молитв Твоих действо разумева́юще, к чудотворней иконе Твоей с любовию притекаем и Богу прилежно вопие́м: Аллилуиа.

Икос 9

Вити́й земных художество не довле́ет по достоянию благохвали́ти Тя, Пресвятая Дево, и иконы Твоея́ чудеса исчи́слити, и́миже Церковь Православная величается, гра́ды наша утверждаются и вси вернии божественне веселятся. Темже, за премногую любовь Твою к нам и вся милости Твоя, приими́ от нас сие хвалебное пение:

Радуйся, собором святых, в стране нашей просиявших, окружаемая и сла́вимая.

Радуйся, на Небеси и на земли́ величаемая.

Радуйся, хода́тайством Твоим о нас Бога умилостивляющая.

Радуйся, честны́м покровом Твоим нас присно осеняющая.

Радуйся, страны нашея преславная Защитнице.

Радуйся, призывающим Тя скорая Помощнице.

Радуйся, труждающихся благодатное укрепление.

Радуйся, кающихся грешников несумненное спасение.

Радуйся, Благодатная, радость духовную в сердца́ наша изливающая.

Кондак 10

Спасительное прибежище в скорбех и напа́стех Ты еси, Пресвятая Дево, те́мже испроси у Сына Твоего и Бога нашего милости нам, грешным, поющим: Аллилуиа.

Икос 10

Стеною несокрушимою бу́ди всем с верою прибегающим к Тебе, Заступнице наша усердная, никто́же бо притека́яй к Тебе тощь и неуслышан отходит. Те́мже и нас под всемо́щный покров Твой приими́, с любовию Тебе взывающих:

Радуйся, Мати Божия, ма́тернюю любовь к нам, грешным, простирающая.

Радуйся, силою Твоею немощь нашу восполняющая.

Радуйся, милосердие Божие разумети нас научающая.

Радуйся, к дело́м милосердия нас возбуждающая.

Радуйся, страх Божий в сердца́ верных влагающая.

Радуйся, грешники к покаянию призывающая.

Радуйся, невниманию нашему долготерпя́щая.

Радуйся, от сна лености нас возставляющая.

Радуйся, Благодатная, радость духовную в сердца́ наша изливающая.

Кондак 11

Пение похвальное, от любве и усердия Тебе приносимое, не пре́зри, Пресвятая Владычице, и не отвратися от нас, многими грехми́ Тя преогорчева́ющих, оба́че помози́ нам покаянием очи́ститися от скверны греховныя и преуспе́ти в богоуго́днем житии, да поем о Тебе Творцу и Богу нашему: Аллилуиа.

Икос 11

Светлыми лучами преславных чудес просвещаеши весь мир христианский, Мати Божия, и благодатно озаряеши с верою пред иконою Твоею молящихся, прогоняющи всякое вражие действо силою Божиею, от нея́ исходящею. Темже радуемся, иму́ще таковую благую Заступницу, и благодарственно взываем Ти:

Радуйся, безпо́мощных на Свои всемо́щныя ру́це прие́млющая.

Радуйся, к Сыну Твоему и Богу моления верных принося́щая.

Радуйся, яко в напа́стех нас не оставляеши.

Радуйся, яко путь к вечной жизни нам указу́еши.

Радуйся, под сень крова Твоего притекающих милующая.

Радуйся, мглу греховную от нас отгоняющая.

Радуйся, в час исхода душ наших верная о нас пред Богом Предстательнице.

Радуйся, пред Престолом Сына Божия неотступная за мир Ходатаице.

Радуйся, Благодатная, радость духовную в сердца́ наша изливающая.

Кондак 12

Благодать Божественную испроси нам у Сына Твоего, Всеблагая Владычице, с надеждою и упованием прибегающим к чудотворному образу Твоему, не лиши нас богатыя Твоея милости, даруй нам покаяние во гресе́х, да чистым сердцем и устны́ взываем Богу: Аллилуиа.

Икос 12

Поюще Твоя неисче́тныя милости и чудеса и ма́тернее милосердие к роду человеческому, хвалим Тя, Преблагословенная, яко твердую Предстательницу и неусыпную Хранительницу нашу, веруем бо, яко испро́сиши нам вся благая, временная и вечная, вопиющим Ти си́це:

Радуйся, с верою молитвенно призывающих Тя не посрамляющая.

Радуйся, грешных к покаянию приводящая.

Радуйся, спящия совести пробуждающая.

Радуйся, из ро́ва погибельнаго отчаянныя исхищающая.

Радуйся, в день судный наша надеждо и защищение.

Радуйся, от козней вражиих ограждение.

Радуйся, Тобою бо низхо́дит к нам Божие благоволение.

Радуйся, Тобою бо и́мамы вя́щшее к Богу дерзновение.

Радуйся, Благодатная, радость духовную в сердца́ наша изливающая.

Кондак 13

О Всепетая Мати Сладчайшаго Господа нашего Иисуса Христа, Всемилостивая Госпоже Дево Богородице! Приими сие малое моление наше, от любящих сердец с умилением Тебе приносимое, и умоли Сына Твоего, да помилует и спасет нас и причастниками жизни вечныя соделает, верно славящих Тя и поющих Ему: Аллилуиа.

(Этот кондак читается трижды, затем икос 1 и кондак 1)