Благостная Заступница рода человеческого Пресвятая Дева Мария всегда отведет беду-кручину, поможет одержать победу в боевых сражениях, оградит от вражеского нашествия, будет покровительствовать молитвенникам.
Молитва Тихвинской иконе Божьей Матери всегда имела великую силу, спасала народ, оберегала российское государство.
Тихвинская икона Божией Матери
История образа
История появления Тихвинского образа скрыта тайной.
Предание гласит, что он был написан самим евангелистом Лукой во время земной жизни Девы Марии. Лука передал его своему ученику Феофилу в Антиохию. Затем Лик долгое время пребывал в Иерусалиме, а в V веке византийская императрица Евдокия перевезла его в Константинополь.
Во времена иконоборства Лик тщательно скрывался монахами из обители Пантократора, после чего он несколько веков считался главнейшей святыней Царьграда.
В 1383 году святой образ явился на Руси возле града Тихвина.
Сначала диво, плывущее в золотых облаках, лицезрели рыбаки, удившие рыбу на Ладоге. После соборных молитв образ опускался на землю в нескольких селах, окружающих Тихвин. Окончательно он остановился на речке Тихвинке, впадающей в Ладогу. Здесь вскоре был возведен Успенский храм, в его правом пределе была установлена чудотворная икона.
Во времена правления Иоанна Грозного вокруг храма был построен мужской монастырь, который посещали множественные группы паломников, дабы вернуть здравие телу и духу по мольбам к Богородице.
Во времена нападения шведов на город и при попытках осады христианской обители, одной из прихожанок случилось видение: Сама Царица Небесная велела женщине взять в руки Тихвинскую икону и пронести ее по стенам монастыря.
Вскоре шведские воины были устрашены неведомой силой и бежали.
Сохранились свидетельства, что во время Великой Отечественной войны с Тихвинской иконой был совершен крестообразный облет на самолете вокруг Москвы. После чего священниками и мирянами соборно был прочитан акафист Тихвинской иконе Божией Матери. Богородица поддержала и защитила страну, враг был повержен.
Молитвы у Тихвинской иконы Божией Матери
Иконография образа
Тихвинская Богородица очень схожа со Смоленской Одигитрией. Обе они причислены к кисти святого Луки и истории их написания затеряны в глубине веков. Прототипом Тихвинской иконе является Влахернская, хранившаяся во времена раннего христианства у императоров Византии.
Голова Царицы Небесной в трепете склонена к Младенцу Христу, а Его рука вознесена в порыве благословения земной паствы. Иисус предстает Вершителем, имя которого изменит мир. Изображение на иконе поясное, цветовая гамма содержит пурпурно-золотое сочетание.
Внимание! Главный Тихвинский образ покоится в Успенском соборе Московского Кремля, а списки украшают молитвенные залы других храмов.
Покровительство Богородицы
Каждый Богородичный Лик имеет свою историю и значение.
Люди, чьи мольбы обращены к одним образам, вскоре получают просимое, но молитвы к другим иконам почему-то остаются не услышанными.
Тропарь, глас 4
Днесь, яко солнце пресветлое, возсия нам на воздусе всечестная икона Твоя, Владычице, лучами милости мир просвещающи, юже Русь великая, яко некий дар Божественный, свыше благоговейне восприемши, прославляет Тя, Богомати, всех Владычицу, и от Тебе рождшагося Христа Бога нашего величает радостно, Емуже молися, о Госпоже Царице Богородице, да сохранит вся грады и страны христианския невредимы от всех навет вражиих, и спасет верою покланяющихся Его Божественному и Твоему пречистому образу, Дево Неискусобрачная.
Кондак, глас 8
Притецем, людие, к Деве Богородице Царице, благодаряще Христа Бога, и, к Тоя чудотворней иконе, умильно взирающе, припадем, и возопием Ей: о Владычице Марие, присетивше страну сию Твоего честнаго образа явлением чудесно, спасай в мире и благовременстве отечество наше и вся христианы, наследники показующи небесныя жизни, Тебе бо верно зовем: радуйся, Дево, мира спасение.
Кондак 1
Взбранной Воеводе, Владычице нашей Богородице, благодарственная пения восписуем о явлении чудныя Ея иконы, к Нейже притекающии присно избавляются от враг видимых и невидимых. Ты же, Госпоже Неба и земли, яко Милосердная Мати, приими ныне малое сие моление наше и неотступну никогдаже сотвори милость Твою от нас и заступление, охраняющи от всех бед и напастей нас, зовущих Ти: Радуйся, Владычице, Милостивая о нас пред Богом Заступнице.
Икос 1
Ангелов лицы ликовствующе служат Тебе, Владычице, и почитающе Тя, на руку Твоею носившую Творца видимыя и невидимыя твари, икону Твою с места на место преносят. Мы же, земнороднии, дивящеся чудному явлению иконы Твоея, Ангелы носимыя, вопием Ти сице:
Радуйся, всех Небесных Сил высшая.
Радуйся, вся Ангельския чины превосходящая.
Радуйся, честнейшая Херувим.
Радуйся, славнейшая без сравнения Серафим.
Радуйся, радование Ангелов.
Радуйся, похваление ликов Небесных.
Радуйся, от Ангелов воспеваемая.
Радуйся, от Серафимов прославляемая.
Радуйся, от Архангел покланяемая.
Радуйся, от воинств Небесных почитаемая.
Радуйся, в иконе Твоей от Ангел чтимая.
Радуйся, в видимем образе Твоем от невидимых сил носимая.
Радуйся, Владычице, Милостивая о нас пред Богом Заступнице.
Кондак 2
Видяще рыбарие над пучиною вод носимую невидимою силою и светом подобно солнцу сияющую Твою, Богомати, икону с Предвечным Младенцем, рыбарей призвавшим на уловление мира в сети спасения, возопиша: Аллилуиа.
Икос 2
Разум недоразуменный дивнаго явления иконы Твоея разумети людие ищуще уведеша, яко чтимая в Цареграде пречестная икона в наследие русскому роду даровася. Темже мы, благодаряще за милость Твою к роду нашему, вопием Ти:
Радуйся, Мати истинныя Жизни.
Радуйся, послушанием Твоим преслушание Евы исцелившая.
Радуйся, затворенный Эдем отверзшая.
Радуйся, миру явившая Сокрушителя главы змиевой.
Радуйся, ковчеже, Умирителя мира носивший.
Радуйся, мир спасшая от потопления греховнаго.
Радуйся, лествице еюже сниде Бог.
Радуйся, земных возводящая на Небо.
Радуйся, море, фараона мысленнаго потопившее.
Радуйся, купино, неопалившаяся всельшимся в Тя огнем Божества.
Радуйся, скрижале Богописанная.
Радуйся, каменю, воду жизни источивший жаждущим.
Радуйся, Владычице, Милостивая о нас пред Богом Заступнице.
Кондак 3
Сила Вышняго осеняше страну Тихвинскую, егда икона Пречистыя Богоматере, многочастне являющися и временным пребыванием освящающи землю, к воздвизанию храмов святых возбуждаше, да славится имя Владычицы во славу Триипостаснаго Бога, Емуже вопием: Аллилуиа. Икос 3
Имуще благоутробное изволение, да людие страны Тихвинския вожделеют пребывания Твоего с ними, да памятуют выну покров Твой, икону Твою являла еси многочастне, дондеже указала еси богоизбранное место вселения ея. Темже, чудящеся, вопием Ти:
Радуйся, скиние, в нейже вселися Божество телесне.
Радуйся, Святая святых, в нюже единою вниде вечный Архиерей.
Радуйся, кивоте, позлащенный Духом, Законодателя носивший.
Радуйся, светильниче, огнем Божественным возжженный.
Радуйся, стамно, носившая манну жизни — Христа.
Радуйся, трапезо, Хлеб животный вместившая.
Радуйся, кадильнице, угль Божества имущая, мир весь облагоухавшая.
Радуйся, жезле, цвет прозябший — Христа.
Радуйся, столпе, к вечному наследию руководяй.
Радуйся, облаче, от враг видимых и невидимых покрываяй.
Радуйся, земле обетования.
Радуйся, руно, на негоже Христос, яко дождь сниде с небесе.
Радуйся, Владычице, Милостивая о нас пред Богом Заступнице.
Кондак 4
Бурю смущения и скорби утолити тщащеся, благовернии людие взываша ко Господу: «Яви нам божественный дар, егоже человеколюбне стране нашей послал еси, не скрый сокровища, имже душевную нищету нашу обогатити надеяхомся, претвори печаль нашу в paдость, отри слезы и рыдания», и, улучивше желаемое, возопиша: Аллилуиа.
Икос 4
Слышав пастырь паствы своея радостное обретение и Матерь Пастыреначальника, упасшуюся в странах Тихвинских, устрояет храм в честь новоявленныя иконы Ея и пресвитеры учреждает, да выну прославляя Богоматерь, вопиют Ей:
Радуйся, Дщи, приклонившая ухо ко гласу Отца Небеснаго.
Радуйся, яко праматернее сетование разрушися рождеством Твоим.
Радуйся, Невесто, Еяже доброты вожделе Царь Небесный.
Радуйся, Царице, одесную Царя представшая.
Радуйся, рясны златыми украшенная и всю славу внутрь имущая.
Радуйся, вводящая многих в чертог Царства Небеснаго.
Радуйся, яблоко, егоже благовоние обоняет весь мир.
Радуйся, крине чистоты, блистанием светящийся.
Радуйся, миро благовонное, всему миру излиянное.
Радуйся, царскую порфиру, плоть Творца всех, из девственных кровей Твоих исткавшая.
Радуйся, живый запечатленный источниче, источивший воду жизни.
Радуйся, мысленный винограде, грозд Божественный возрастивший.
Радуйся, Владычице, Милостивая о нас пред Богом Заступнице.
Кондак 5
Боготечная звезда явися икона Твоя, Богомати, всю страну Тихвинскую обтекающи и сущих во тьме невежествия светом боговедения озаряющи, скорбящих радостию осиявающи, заблуждающих же на путь делания заповедей Сына Твоего и Бога наставляющи, Емуже благодарственне вопием: Аллилуиа.
Икос 5
Видев Георгий на кладе древа седящу Жену, жезл червленный в руках имущу и светом неизреченным сияющу, Ейже, предстоя, беседоваше дивный святитель, позна чрез благоухание благодати Тя, Богородицу, чувственный зрак приимшую и святителя Николая предстояща Тебе, и возопи со трепетом:
Радуйся, доме, егоже созда Себе для вселения Премудрость Божия.
Радуйся, Дево, Еммануила родившая.
Радуйся, жезле Иессеов, от негоже прозябе цвет — Христос Бог.
Радуйся, Неневестная Невесто, осенением Духа заченшая Сына.
Радуйся, свитче, в немже перстом Отчим написася Слово.
Радуйся, книго девства запечатленная, Иосифу на хранение врученная.
Радуйся, клеще таинственная, угль Божества во чреве приемшая.
Радуйся, престоле превознесенный, на немже плотию возседе Христос.
Радуйся, облаче легкий, на немже прииде Господь славы.
Радуйся, врата затворенная, имиже един Христос пройде.
Радуйся, горо несекомая, от неяже краеугольный камень отсечеся — Христос.
Радуйся, огнеросная пеще, неопально приимшая огнь Божества.
Радуйся, Владычице, Милостивая о нас пред Богом Заступнице.
Кондак 6
Проповедник быв видимаго Твоего пребывания в стране Тихвинстей и дивнаго промышления о ней, благочестивый Георгий явление Твое и волю Твою людем возвести, ейже неповинующиися чудесы вразумляются славити Тя, Владычице, и пети Богу: Аллилуиа.
Икос 6
Возсияти свету Богопознания явлением иконы Твоея изволившая, и свет иноческия жизни возжещи благоволила еси, Богомати, на месте явления Твоея иконы, да иноков лицы вопиют Ти непрестанно:
Радуйся, неплоднаго корене благоплодное прозябение.
Радуйся, от младенчества Богу посвященная.
Радуйся, во святем храме воспитавшаяся.
Радуйся, Богу уневестившаяся.
Радуйся, всеми добродетельми преукрашенная.
Радуйся, светоносная палато, Владыце уготованная.
Радуйся, благодатию Божиею предочищенная.
Радуйся, от начала веков во главизну нашего спасения предъизбранная.
Радуйся, Невесто Архитектона небеснаго, земному тектону на хранение врученная.
Радуйся, малый Назарет Своим пребыванием возвеличившая.
Радуйся, Горних Сил похвало.
Радуйся, всех земнородных слава.
Радуйся, Владычице, Милостивая о нас пред Богом Заступнице.
Кондак 7
Хотящим преподобным Мартирию и Кириллу во уединении подвизатися и труды и подвиги иноческими Богу угождати, путь в место вожделеваемаго подвига в столпе огненнем и гласе указала еси. Они же познавше Тя, яко Одигитрию благую, спутешествующую им, возопиша Богу: Аллилуиа.
Икос 7
Новый источник чудес в стране северней явися икона Твоя Тихвинская, Пресвятая Владычице, независтно точащий исцеления всем притекающим с верою: слепии бо прозирают, немии благоглаголиви бывают, глусии слышат, разслабленнии возстают, бесноватии от уз демонских свобождаются. Темже славяще Тя, вопием:
Радуйся, яко на Тебе почи благоволение Отчее.
Радуйся, Духом Святым осененная.
Радуйся, яко в Тебе воплотися Сын Божий, Спас миру.
Радуйся, совета неизреченнаго Таиннице.
Радуйся, от Ангела благовестие приимшая.
Радуйся, ангельским, «еже радуйся», весь мир обрадовавшая.
Радуйся, яко Господь с Тобою.
Радуйся, яко Тобою вси земнороднии Богу приближишася.
Радуйся, Благословенная в женах.
Радуйся, всем женам благословение даровавшая.
Радуйся, Мати до рождества и по рождестве пребывшая Девою.
Радуйся, начаток чести и славы девства.
Радуйся, Владычице, Милостивая о нас пред Богом Заступнице.
Кондак 8
Странно чудо явления образа Твоего, Владычице, и несказанно, удивляет премирная и ужасает земная, вкупе же и просвещает благодатию рождшагося от Тебе Христа Бога нашего. Странно и заступление обители от врагов, хвалившихся разорити достояние Твое. Сего ради вопием Богу: Аллилуиа.
Икос 8
Вся еси в вышних, Владычице, но и нижних не оставляеши, защищающи, аки стеною и забралом, честною иконою Твоею обитель Твою. Рекла бо еси, егда бысть нашествие вражие: «Да возмут людие икону Мою и обыдут по стенам окрест, и узрят милость Божию». Темже, избавлении Тобою от враг возопиша Тебе:
Радуйся, Мати Творца и Господа Своего.
Радуйся, Еяже ради младенец Иоанн взыграся во чреве Елисаветы.
Радуйся, от всех родов ублажаемая.
Радуйся, смирением возвышенная.
Радуйся, небесным радование и земным мир Рождением Твоим даровавшая.
Радуйся, от Ангелов славословие, от пастырей величание, от волхвов поклонение о Рождении Твоем приимшая.
Радуйся, млеком питавшая горняя и дольняя благодатию Своею Питающаго.
Радуйся, пеленами повившая Одевающагося светом, яко ризою.
Радуйся, носившая на руку Твоею Носящаго весь мир дланию.
Радуйся, во храм принесшая Священие храма.
Радуйся, Симеоном благословенная.
Радуйся, Анною пророчицею возвеличенная.
Радуйся, Владычице, Милостивая о нас пред Богом Заступнице.
Кондак 9
Всякаго естества Ангельскаго чистейши сущи, Владычице, обитель, ради пришествия Твоея иконы созданную, от нечистоты греховныя близ погибели бывшую, но покаянием очистившуюся, яко общая Молебница о роде христианстем, избавила еси от врагов, по подобию нечистых животных подкопати ю трудившихся. Темже вопием Богу: Аллилуиа.
Икос 9
Ветия многовещанныя недоумеют воспети по достоянию множество чудес Твоих, Владычице, и тайны Твоего строения спасения человеков: ово бо благостию, ово же посещением наказаний руководиши людей на путь спасения. Зане необориму обитель сохранивши от врагов видимых, огненным очищением благоволила еси очистити от уязвлений врага невидимаго, вразумляя, яко чистота, воздержание и молитвы сердечныя угоднее Тебе паче хвалы единых точию уст. Темже вопием Ти:
Радуйся, Египет освятившая пришествием Твоим.
Радуйся, Галилейскую страну прославившая пребыванием Твоим.
Радуйся, по всему Иерусалиму искавшая Отроча Твое, Егоже возлюби душа Твоя.
Радуйся, в дому Отца Его обретшая Его.
Радуйся, вся глаголы о Сыне Твоем слагавшая в сердце Своем.
Радуйся, в Сыне Твоем прежде всех познавшая Бога.
Радуйся, Сыну Твоему послужившая в земнем житии Его.
Радуйся, страданием Его спострадавшая.
Радуйся, при Кресте Сына Твоего усыновление Иоанна Апостола и всех верующих приимшая.
Радуйся, матерински возлюбившая искупленных кровию Его.
Радуйся, первее всех уразумевшая тайну воскресения Сына Твоего.
Радуйся, премногия радости насладившаяся в вознесении Сына Твоего на Небеса.
Радуйся, Владычице, Милостивая о нас пред Богом Заступнице.
Кондак 10
Спасти хотящи многия люди от обдержащих их скорбей и болезней и веру их утвердити во всесильное заступление Твое, Владычице, во многих градех, обителех, весех православныя страны силу чудотворения даровала еси изображением честныя иконы Твоея, да видяще являемую Тобою милость, вопиют со умилением Богу: Аллилуиа.
Икос 10
Стена и щит была еси, Владычице, православному воинству, под знамением Твоея иконы противу двадесяти язык воинствовавшему, сохраняя его от стрел вражиих. Темже буди стена и покров от всех врагов видимых и невидимых и нам, ко пречестней иконе Твоей с верою и любовию припадающим и вопиющим Тебе:
Радуйся, утешение верным по вознесении Сына Твоего.
Радуйся, Учительнице и Споспешнице Апостолом.
Радуйся, извещением Твоего к Богу отшествия обрадованная.
Радуйся, лик ученический облаком к погребению Ти совокупльшая.
Радуйся, от земли дланьми Сына Твоего восприемлемая.
Радуйся, от всех Ангельских чиноначалий провождаемая.
Радуйся, земное небо, к горнему селению возвышенное.
Радуйся, престоле Господень, от земли вознесенный в Царствие Небесное.
Радуйся, воздух освятившая восхождением Твоим.
Радуйся, чрез Фому уверившая Твое на Небо с плотию преселение.
Радуйся, ученическому лику обещание хранити его исполнившая.
Радуйся, присещением Твоим от Сына Твоего и Бога мир тому подавшая.
Радуйся, Владычице, Милостивая о нас пред Богом Заступнице.
Кондак 11
Пение всякое побеждается, спростретися тщащеся ко множеству чудес, присно бываемых от святыя Твоея и чудотворныя иконы: якоже бо скорая Помощница недуги исцеляеши, от бед избавляеши, от мучения демонов свобождаеши на всяком месте с верою Тя призывающих и вопиющих Богу: Аллилуиа.
Икос 11
Светоприемную свещу зрим святую икону Твою, Богомати, во странах Тихвинских благодатию Твоею возжженную, всю страну просвещающую и многих ко свету привлекающую на спасение душ. Темже вопием Ти:
Радуйся, сохраняти и спасати всех призывающих Тя обещавшая.
Радуйся, прославляющих Тя прославляющая.
Радуйся, к Сыну Твоему и Богу молитвы верных приносящая.
Радуйся, и Сама непрестанно у Престола Сына Твоего и Бога молящаяся о всех.
Радуйся, благодать Твою иконам Твоим честным даровавшая.
Радуйся, всю вселенную лучами Твоея благодати озарившая.
Радуйся, честнейшая Херувим и славнейшая Серафим.
Радуйся, всея твари высшая.
Радуйся, Царице Неба и земли.
Радуйся, яко много может молитва Твоя пред Сыном Твоим.
Paдуйся, всего рода христианскаго скорое заступление.
Радуйся, всех верных твердое упование.
Радуйся, Владычице, Милостивая о нас пред Богом Заступнице.
Кондак 12
Благодати Твоея новое знамение дати восхотев, Петрову граду источник чудес отверзла еси, Богомати, в иконе Твоей, да верующии вразумляются, труждающиися и скорбящии обретают готовое прибежище и заступление, и прославляющи Бога, даровавшаго таковая, вопиют Ему: Аллилуиа.
Икос 12
Поюще чудеса Твоя и милости, роду нашему явленныя, умильно припадаем к пречистому образу Твоему, Владычице, и лобызающе, со страхом и любовию молим Тя: настави нас на путь спасения, да достойни будем выну Твоего милостиваго заступления, буди присно Заступница и Ходатаица о нас, вопиющих Ти:
Радуйся, верных утверждение и защищение.
Радуйся, неверных вразумление и просвещение.
Радуйся, отчаянных надеждо.
Радуйся, грешных спасение.
Радуйся, печальных утешение.
Радуйся, больных исцеление.
Радуйся, вдов и сирот покрове.
Радуйся, обидимых прибежище.
Радуйся, царей укрепление.
Радуйся, святителей удобрение.
Paдуйся, девствующих похвало.
Радуйся, всех благочестивых веселие.
Радуйся, Владычице, Милостивая о нас пред Богом Заступнице.
Кондак 13
О Всепетая Мати, рождшая всех святых Святейшее Слово, буди нам покров и защищение в жизни сей от врагов видимых и невидимых, от бед и скорбей, сохрани от искушений и грехопадений, и в будущей жизни, на Суде Сына Твоего и Бога нашего, буди Заступница и Ходатаица, избавляющи нас от вечнаго осуждения, да спасеннии Тобою, с лики Ангельскими вопием Богу: Аллилуиа.
(Этот кондак читается трижды, затем икос 1 и кондак 1).
Молитва
О Пресвятая Дево, Мати Господа Вышних Сил, Небесе и земли Царице, града и страны нашея Всемощная Заступнице. Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей: услыши нас, молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиреномудрие, супругам любовь и согласие, чадам послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя: разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на Страшнем Суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, слава Небесных и упование земных, Ты по Бозе наша Надежда и Заступница всех притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.
Молитва на всякую требу
Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем российским, о нихже ниже самый ангельский язык к похвалению доволен будет. Благодарим Тя, якоже и ныне удивила еси неизреченную Твою милость на нас, недостойных рабех Твоих, преестественным самопришествием Пречистыя Твоея иконы, ею же всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй люди Твоя, и подаждь им победы на вся враги их, и сохрани царствующия грады, и вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и поклоняющимся Пресвятому образу Твоему, яко благословенна еси с рождшимся от Тебе Сыном и Богом, ныне и присно и во веки веков. Аминь.
Молитва на всякую требу
О Пресвятая Дево, Мати Господа вышних сил, Небесе и земли Царице, града и страны нашея Всемощная Заступнице. Приими хвалебно-благодарственное пение сие от нас недостойных раб Твоих и вознеси молитвы наша ко престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию поклоняющимся чудотворному образу Твоему. Несмы бо достойни от Него помиловани быти, аще не Ты умилостививши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей; услыши нас молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиреномудрие, супругам любовь и согласие, чадам послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя: разсеянныя собери, заблуждшыя на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша к зрению спасения, милостива нам буди зде и тамо, в стране земнаго пришельствия и на страшнем суде Сына Твоего: преставльшыяся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, слава Небесных и упование земных. Ты по Бозе наша Надеждо и Заступница всех притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.
О чем молить Богородицу
Молитва пред Тихвинской иконой проявила себя в помощи абсолютно во всех ситуациях. Ей молятся:
- о налаживании отношений с ребенком-подростком;
- о помощи в учебе и воспитании в духе благочестия;
- о долгожданном зачатии;
- о быстром и легком родоразрешении;
- о защите от происков диавольских сил;
- об исцелении от сумасшествия;
- о прозрении незрячих больных;
- о защите спокойствия семьи;
- при смятении перед судьбоносным шагом;
- о даровании чудесного знамения, которое отведет лихо и укажет верный путь;
- о покровительстве при тягостных интригах на работе и нападок начальства;
- о здравии страдающих эпилепсией, параличом конечностей;
- об успокоении капризного и плаксивого чада;
- о защите жилища от пожаров.
Обращаться к Тихвинской Божией Матери можно как словами привычной молитвы, так и собственными. В мольбе важна искренняя вера на предстательство Царицы Небесной.
Совет! Нельзя требовать исполнения просимого — Господь по молитвам Своей Матери поможет тогда, когда просимое будет душеспасительно для молитвенника в дальнейшем. Он никогда не забывает о тех, кто помнит о Нем и в радости, и в горе.Московский храм Тихвинской Божией Матери
Советы молящимся
Семейные пары должны держать Тихвинскую икону на иконостасе как домашнюю хранительницу.
Она умиротворяет домочадцев, способствует формированию у них добрых помыслов, дарует покорность к Создателю. Царица Небесная заботится о членах семьи, о даровании им здравия и благоденствия.
Многие люди после усердных молитв и получения желаемого «отворачиваются» от Богородицы и Всевышнего, что является великим грехом.
Матушка чутко относится к просьбам и бедам людей, поэтому ни одна молитва не остается без Ее внимания. Тот молитвенник, кто получил желаемое, в благодарность Небесам должен восхвалять и благодарить Небесную Благодетельницу и славить Ее честное имя молитвой.
У Ее образа в храме и дома нужно всегда возжигать свечи, лампады, жертвовать необходимое сиротам, беднякам, больным. Тогда Царица Небесная узрит доброту сердца человека, молящего Ее о предстательстве, и не отвергнет мольбы в следующий раз.
Важно! Празднование памяти иконы Божией Матери Тихвинская совершается ежегодно 26 июня.Посмотрите видео об акафисте Богоматери Тихвинской