Многие чудеса во все времена происходили от этого удивительного образа. Слепые становились зрячими, калеки – настоящими богатырями, бесноватые освобождались от мучивших их злых духов. Причем было замечено, что помощь икона Тихвинская Божья Матерь посылала людям и на расстоянии.
Молятся перед иконой о даровании всевозможных благ, но особенно при нападении врагов. Причем, не только видимых, а и тогда, когда одолевают человека тяжелые страсти. Во время вражды между близкими людьми просят Богородицу послать мир и согласие на враждующих.
Тихвинская Божия Матерь
Икона Тихвинской Божьей Матери
Молитва Тихвинской Божьей Матери слушать
Молитва Тихвинской Божией Матери
О Пресвятая Дево, Мати Господа вышних сил, Небесе и земли Царице, града и страны нашея Всемощная Заступнице. Приими хвалебно-благодарственное пение сие от нас недостойных раб Твоих и вознеси молитвы наша ко престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию поклоняющимся чудотворному образу Твоему.
Несмы бо достойни от Него помиловани быти, аще не Ты умилостививши Его о нас, Владычице, яко вся Тебе от Него возможна суть.
Сего ради к Тебе прибегаем, яко к несомненней и скорой Заступнице нашей; услыши нас молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиреномудрие, супругам любовь и согласие, чадам послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды.
Ей, Госпоже Пресвятая, умилосердися на немощныя люди Твоя: разсеянныя собери, заблуждшыя на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша к зрению спасения, милостива нам буди зде и тамо, в стране земнаго пришельствия и на страшнем суде Сына Твоего: преставльшыяся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори.
Ты бо еси, Госпоже, слава Небесных и упование земных. Ты по Бозе наша Надеждо и Заступница всех притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.
Тихвинская молитва
Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем Российскаго народа, о них-же ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех твоих, преестественным самопришествием пречистыя Твоея иконы, еюже всю просветила еси Российскую страну.
Темже и мы, грешнии, со страхом и радостию поклоняющеся, вопием Ти: о, Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди, и подаждь стране победы на вся враги, и сохрани вся грады, и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и поклоняющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь.